ناس كتير بتكلمنا عن انها عايزة تعمل مشروع تصنيع منتجات الألبان باختلاف حجم الاسثمار. والناس متحمسة واحنا للأمانة لازم نوضح لك كام نقطة مهمين لازم تعرفهم قبل ما تتحرك في أي شيء :
- هل المجال في ربح ؟ نعم فيه ربح كتير ووفير لمن يتقى الله .
- المنافسة شرسة جدا جدا . لاكتر مما تتصور .
- نسب الغش مرتفعة جدا. للأسف ووصلت لكل شيء .
- الأهم من التصنيع هو المبيعات والتسويق.
- لازم ولابد تكون محدد الطبقة التسويقة الى انته هتبيع لها المنتج الخاص بيك يعنى هتسوق شعبى ولا كلاس B ولا كلاس A
- الشغل في مجال الالبان مفيش حاجه اسمها اجازة او راحة .
- هفكرك تانى ان نسب الغش مرتفعة اكثر مما انته تتخيل .
- الخبرة العملية هي العامل الرئيسى والمبدئى عشان مشروعك ينجح حتى لو بتنتج شوية زبادى .
- الأهم من ده كله لازم تكون بتحب النظافة . أساس التصنيع هو النظافة .
- أخيرا .عملنا رسم توضيحى بيوضح حجم المجهود المبذول موضح كتكاليف متغيرة عشان تنتج وتبيع
في النهاية لو حضرتك عندك استعداد تتحمل كل الصداع ده .وكل التفاصيل دى .يبقى حضرتك حطيت رجلك على بداية الطريق .
