قبل ما تصنع اي منتج لازم تعرف المواصفه القياسية ليه ايه و رقمها كام؟؟ وازاى تنفذها صح عشان تنتج منتج مطابق !!
مفيش حاجه اسمها انك تسلم منتج بدون بيانات والتاجر حر يعمل فيه اللي هو عايزه . كده انته بتساعده على الغش .!
لو انت بتعمل منتج نباتي الدهن والتاجر بيبيعه على اساس أنه طبيعي وانت عارف.. فأنت كده مشارك معاه في الغش
مينفعش التاجر يجيبلك كرتونة المستورد ( زى الزبدة مثلا ) ويقولك عبي فيها منتجك اي كان هو ايه وتقولي ماهو المكونات مكتوبه صحيحة على الكرتونه .. لا طبعا بس كده في غش لأنه بيبيع بسعر المستورد وانته بتاخد الفتات وفى النهاية انت بردو مشارك معاه في الغش وساعدته .
غالباً أصبح ضعاف النفوس بياخدو المنتج نباتي الدهن بدون بيانات و يبيعه على اساس انه طبيعي
فتلاقىيه يطلب منك لبن مصنع نباتي الدهن او جبن رومي نباتي الدهن متقولش كده هو عارف و انا كده مش بغش هو اللي بيغش وتقول الذنب عليه .. لا طبعا انته غشاش وبتساعده وياريتك بتكسب من كده كويس لأ انته بتغش عشان هو يكسب اكثر .
الفيصل هو المستهلك وليس التاجر لأن ببساطه المستهلك ميعرفش غير المنتج الطبيعى وبيدفع تمنه . تيجى انته تضحك عليه وتديله النباتى بسعر الطبيعى وتستغل جهله او ثقته فيك .
خلى بالك مفيش مواصفة قياسية مصريه بتقول انك تصنع لبن خام نباتي الدهن أو مواضفة بتقول اتك تصنع جبن رومى نباتى الدهن !!!!.. مفيش الكلام ده لبن شرب أو جبن رومى عند المستهلك يعني طبيعي 100%
فتلاقى الزبدة النباتي أو الخليط تباع على اساس انها طبيعي .. مش معني انها كوره أو صوابع انها طبيعي . ( خلى بالك ياعم الأكيل ) – مش معنى أنك كمستهلك بتشترى من فلاحين في السوق أن اللبن أو الزبدة سواء الكور والصوابع معاهم طبيعي 100%
يؤسفني انى اقول للمستهلك أن بعض من الفلاحين بيروحو يطلبو من المصنع يعملهم زبده نباتي الدهن بدون بيانات ويشكلها كوره و يبيعها في الأسواق أنها زبدة مزراع طبيعي 100% .. و زي مابيحصل في الزبده بيحصل في اللبن الخام .. ولا حول ولا قوة إلا بالله
حاول تشترى ديما من مصدر موثوق به على الأقل عارف شركة ايه ومصنع مين أقراء كويس البيانات الموجودة على المنتج .نسأل الله لنا ولكم العفو والعافية .
