كلها مصطلحات لحاجه واحدة وهـــى الحليب نباتى الدهــــن .
القصة بدءت من بعض المصانع الكبيرة وبعض المهندسين معدومى الضمير باعوا الفكرة والطريقة للموردين معدومى الضمير. عاشن يصنعوا اللبن ويتم توريده للشركات
المتاح في السوق حاليا على حسب طلبك : ( شرب ولا تصنيع )
- شـــــرب : هيديك شرش لبن+ شورتنج بنط عالى زى ما تحب .
- تصنيع :هيديك لبن فرز + شورتنج وتحليلة مظبوطة ودا عشان المعدلات والتصافى .
بالنسبة لتصنيع اللبن المصنع في مدرستين :
المدرسة الأولى : يجمع اللبن ويتم فرزه بالكامل ثم يتم تعويض الدهن بالدهن النباتى ( شورتنج ) بالكامل . وعلى حسب طلب الزبون 7 و8 و10 بنط لو تحب .
المدرسة التانية : لبن فرز مجفف + شرش لبن مجفف +دهن نباتى ( شورتنج ) + مواد استحلاب وتثبيت + مبيض + طعم ثم تجنيس
هل في مواصفة تسمح بتصنيع وتداول الحليب شرب نباتى الدهن .؟
الإجابة هي لا الى الان لم تصدر أي مواصفة تشرع ذلك
عايز اقولك ان الموردين معدومى الضمير اصبحوا على كفاءة عالية جدا في الغش وضبط تحليلة اللبن . وللأسف اى طريقة سريعة للكشفه هي اجتهادات . والفيصل هنا التحليل الكروموتوجرافى و HPLC .
طبعا دى كارثة بكل المقايس صحيا واقتصاديا وتصنيعيا .تضر الطفل الصغير والكبير وتضر أصحاب المصانع والمعامل المحترمين .
طيب ايه الحل ؟
الحل لازم يكون في مكافحة قوية جدا من الدولة واعتقد برده مش هتقدر تمنع الموضوع ده . بدون مساعدة القطاع الخاص .
يبقى الحل يكمن في اهل الثقة والموردين ومراكز التجميع المحترمة ذات السمعة الطيبة . انها تتولى انشاء وتمويل مجمتع خاص بهم يسمى مجتمع الثقة
مجتمع الثقة :
تقدر تقول كده زي رابطة تمويل ذاتى بس الرابطة دى هيكون دورها ضمانة الحليب انه طبيعى وغير مصنع . وبالتالي اى فرد عايز يشتغل في توريد الالبان هتجبره مع الوقت انه يكون من أهل الثقة وانه يكون عضو في المجتمع ده . ودا ممكن يتم بالتنسيق مع الدولة . بس لو في نية فعلية من المصنعيين والموردين للحد من هذه الظاهرة (اللبن المصنع )
مجتمع الثقة : ده هيكون في كل محافظة في مصر .دوره يراقب ويفتش ويسحب عينات للتحليل ويقول ان المورد ده تمام ولا مش تمام للمورد إلى عايز ينضم لمجتمع الثقة .
مع الوقت مجتمع الثقة ده هيكبر ودوره هيكبر وهيكون ليه القدرة على ضبط أسعار وجودة الحليب في مصر نسأل الله التوفيق والسداد لما فيه الخير لمصلحة البلاد والعباد
