سألت نفسك قبل كده إزاي تعمل تست موزاريلا مظبوط ؟
تخيل كده تكون عامل جبنة موزريلا شكلها ووصفتها حلوة قوي ، واللى يحكم عليها يظلم الموزرايلا ويقول مش كويسة بسبب طريقة عمل التست نفسه اللي مش مظبوط من الأول عشان كده عملنا المقال ده بعد الرجوع لأكثر من براند كبير في البيتزا .
شوية نقط نخلي بالنا منها قبل ما نحكم على جودة الموزرايلا
1-كمية الجبنة على البيتزا:
- حجم mini وده قطر البيتزا ١٨ سم وكمية الجبنة من ( ٧٠ ل ٧٥) جم
- حجم وسط طول القطر ٢٥ سم وكمية الجبنة ( ١٣٠_١٤٠ ) جم
- حجم كبير طول القطر ٣١ سم وكمية الجبنة (٢٠٠_ ٢١٠) جم
- وقد تختلف الأحجام من مكان لأخر
2-جودة العجين أو بالأدق تخمير العجين:
3- صوص البيتزا
كلما زادت رطوبة الصوص أضر ذلك بالموزرايلا من ناحية اللون خاصة والتيست عمومًا علشان كده الصوص المفروض يكون قوامة مائل للصلابة أكتر منه للسوائل
4- التسوية طبعًا ودى نقطة مهمة جدًا حسب نوع الفرن ومدة التسوية
5- بعض المنتجات اللي فيها دهون ( السجق مثلًا ) بيطلع الزيوت والدهون على الموزاريلا وده مش مطلوب ويبان أنه فصل زيت من الموزاريلا ودا مش حقيقي.
6- وضع المنتجات في حالة التجميد ( جمبري أو خلافه) على البيتزا مباشرة بيخلي الجبنة تشيل مايه ( زيادة رطوبة ) وما تستويش كويس لأن الثلج اللي في المنتج لما يتعرض للحرارة هيطلع المايه اللي فيه على البيتزا والموتزاريلا .
تست الموزاريلا الأفضل:
كمية الموزاريلا مظبوطة + عجينة جيدة + صوص مظبوط القوام+ تسوية من ٥_١٠ دقائق بحسب نوع الفرن+يتم تجربتها على عجينة فقط ثم عجينة وخضار ثم عجينة ومنتج دهني
التسيت يكون بعد الخروج من الفرن من دقيقة إلى دقيقتين والتيست التاني بعد البيتزا ما تبرد
7- نخلى بالنا أن الحكم على جودة الموزاريلا مش استرتش فقط .وان الموزرايلا الجيدة بتتميز ب 6 صفات :
- الاسترتش الجيد
- الذوبان (الميلتنج)
- الحرق المنتظم على البيتزا
- حجم الحرق وتوزيعه
- درجة اللون البني أو الذهبي للحرق
- البشرة الجيدة بدون تعجين
